தேவா, இரக்கம் இல்லையோ?

தேவா, இரக்கம் இல்லையோ? - இயேசு
தேவா, இரக்கம் இல்லையோ?

அனுபல்லவி

ஜீவா, பரப்ரமஏ கோவா, திரித்துவத்தின்
மூவாள் ஒன்றாக வந்த தாவீதின் மைந்தன் , ஒரே --- தேவா

சரணங்கள்

1. எல்லாம் அறிந்த பொருளே - எங்கள்
இல்லாமை நீக்கும் அருளே - கொடும்
பொல்லா மனதுடைய கல்லான பாவிகளைக்
கொல்லாதருள் புரியும் நல்லாயன் யேசுநாதர்! --- தேவா

2. எங்கும் நிறைந்த ஜோதியே - ஏழைப்
பங்கில் உறைந்த நீதியே - எங்கள்
சங்கடமான பாவ சங்கதங்களை நீக்கும்
துங்க இசரவேலின் வங்கிஷ க்ரீடாபதி ! --- தேவா

3. வேதாந்த வேத முடிவே - ஜெக
ஆதாரம் ஆன வடிவே - ஐயா,
தாதாவும் எமைப் பெற்ற மாதாவும் நீயே - யேசு
நாதா, ரட்சியும், வேறே ஆதாரம் எமக்கில்லை --- தேவா