எந்தன் பூமானைக்காண சிந்தை பெருகுதையோ

  எந்தன் பூமானைக்காண சிந்தை பெருகுதையோ
  என்றைக்குக் காண்பேனோ

1. சுந்தரத்தில் மிகுந்து அந்தரத்திலிருக்கும்
  எந்தன் பூமானைக் காண - அழகுடைய
  அண்ணல் இயேசுவைக் காண - எந்தன்

2. விண்ணிலிருந்தவர் மண்ணின் மேல் வந்தவர்
  கன்னிகையில் பிறந்தவர் - லாசருக்காக
  கண்ணீரை விடடழுதவர் - எந்தன்

3. இன்னும் வர என்ன தாமதம் செல்லுமோ
  சொன்ன வாக்கை நினைத்து - அடியேனுந்தன்
  பாதம் பணிந்து வந்தேன் - எந்தன்

4. பொல்லாதோரை இரட்சிக்க வல்ல பராபரன்
  என்ன துயரடைந்தார் - அதை நினைத்தால்
  சொல்ல முடியுதில்லை - எந்தன்

5. கன்னத்தில் அடிபட்டுக் கண்ணீர் விடும் வேளை
  என்னை நினைத்தீரோ நீர் - அதை நினைத்தால்
  உம்மை மறப்பேனோ நான் - எந்தன்