இயேசு பரனை எங்களின் ராஜனை

இயேசு பரனை எங்களின் ராஜனை 

ஏற்றியே போற்றியே வாழ்த்திடுவோம் 

இகபர சுகத்தை ஏழைகளெமக்கு 

இலவசமாய் அவரீந்தாரே 

1. காசினியில் கரிசனையாய் வந்து 

கஷ்டத்தைச் சகித்தார் கர்த்தர் தாமே 

பாசமாக பாடுவோம் நாமே 

மேசியாவின் நாமத்தையே                            -    இயேசு 

2. மாண்டு போன மாந்தர்கள் நீக்க 

மகிதலம் வந்த நம் மகிபனையே 

மாசில்லாமல் ஆசையோடு 

நேசரில் நாம் மகிழ்ந்திடவே                           - இயேசு

3. மரண பயத்தால் நடுங்கின நம்மை 

மகிமையால் நிறைத்துமே மகிழச்செய்தார் 

சேவையே புரிவோம் இயேசுவின் நாமம் 

சிறந்து இலங்கி செழித்திடவே                     - இயேசு 

4. தாசரைப் போல் தாழ்மையை அணிந்த 

நேசரை நேயமாய்ப்  பின்பற்றுவோம் 

வேஷத்தை ஒழித்து தேவனில் நிலைத்து 

வேதாளம் நடுங்கவே ஜெயித்திடுவோம்         -  இயேசு

5. தாவிவரும் பாவியை ஒருபோதும் 

தள்ளாத இரட்சகன் ஜீவிப்பதால் 

தாமதமேனோ பாவியே வாராய் 

தயாபரன் அண்டை சேர்ந்திடவே                     - இயேசு 

6. மேகமீதினில் மேசியா வருவார் 

வேகமாய் நம்மை சேர்திடவே 

வேறு ரூபமாய் மாறுவோம் நாமே 

மேலோகத்தில் என்றும் ஜீவிக்கவே                     -  இயேசு