தோத்திரம் தோத்திரம் இயேசு சுவாமிக்கு தோத்திரமே

தோத்திரம் தோத்திரம் இயேசு சுவாமிக்கு தோத்திரமே 

தோஷி எனை இரட்சித்த பரிசுத்தர்க்குத் ஸ்தோத்திரமே 

1. கோடாகோடி தூதர்கள் சபை கூடி நடனமாடி

 பாடி உமைத் துதிக்கப் பாவியானும் உமைத் துதிப்பேன் -  தோத் 

2. கேருபீன் சேராபீன்கள் உடல் செட்டைகளால் மூடி 

நேராய் உமைத் துதிக்க நீசன் யானும் உமைத் துதிப்பேன் -  தோத் 

3. கன்னியர் கீதம் பாடி இயேசு கர்த்தனையே போற்றி 

உன்னித் துதித்திடவே பாவியானும் உமைத் துதிப்பேன்  -  தோத் 

4. பரிசுத்தவான்கள் சங்கம் எங்கள் பார்த்திபன் இயேசுவையே 

தரிசித்துப் போற்றிடவே தாசன் யானும் உமைத் துதிப்பேன் -  தோத்

5. மூப்பர் சுற்றி நின்று எங்கள் முன்னவன் இயேசுவையே 

ஆர்ப்பரித்துத் துதிக்க அடியானும் உமைத் துதிப்பேன்  -  தோத்

6. வானத்தின் ஜோதி எல்லாம் தேவ மைந்தனேயே போற்றி 

ஞாலத்திலே துதிக்கப் பாவியானும் உமைத் துதிப்பேன்  -  தோத் 

7. பூமியின் தாவரங்கள் புஷ்பம் பூத்துத் துளிர் மலர்ந்து 

சாமி உமைத் துதிக்கத்  தாசன் யானும் உமைத் துதிப்பேன்  -  தோத் 

8. தாழ்த்தித் தலை குனிந்து இரத்தச் சாட்சிகள் கூட்டமெல்லாம்
வாழ்த்தி உமைத் துதிக்கப் பாவியானும் உமைத் துதிப்பேன்  -  தோத்