கோடாகோடி ஸ்தோத்திரம் பாடி

கோடாகோடி ஸ்தோத்திரம் பாடி 

கிறிஸ்துவின் அன்பை ருசிப்போமே

சேற்றிலிருந்து தூக்கி எடுத்துத் 

தேற்றி அணைத்துக் காத்துக் கொண்டாரே -  தேவசுதன் 

1. பாவியை மீட்கப் பரன் சித்தங்கொண்டார் 

பரலோகம் துறந்து பாரினில் பிறந்தார் 

பரமனிவ் வேழையைத் தேடி வந்தாரே 

பாதம் பணிந்தேன் பதில் ஏதுமுண்டோ?   -  பூவுலகில் 

2. தேவனின் சித்தம் செய்யும்படியாய்

தாசனின் கோலம் தாமெடுத் தணிந்து 

தற்பரன் நொறுங்கச் சித்தங் கொண்டாலும் 

தம்மைப் பலியாய் தத்தம் செய்தாரே     -எந்தனுக்காய்

3. ஆடுகளுக்காக உயிர்தனைக் கொடுத்து 

கேடுவராது காக்கும் நம் மேய்ப்பர் 

இன்று மென்மேலே வைத்த நேசத்தால் 

என்றென்றும் நன்றி கூறித்துதிப்பேன்             -      இறைவனை 

4. தாவீது கோத்திர சிங்கமாய் வந்தும்

சாந்தத்தால் என்னைக் கவர்ந்து கொண்டாரே 

தாழ்மையான ஆட்டுக்குட்டியுடனே 

தங்கியிருப்பேன் சீயோன் மலையில்              -      நித்தியமாய் 

5. குயவனின் கையில் களிமண்ணைப்போல

குருவே நீர் என்னை உருவாக்குமையா 

மாசற்ற மணவாட்டியாய் என்னைக்

காத்துக்கொள்ளும்படி கருணை கூர் ஐயா            -   ஏழையென்னை